FILAZANA MANOKANA MOMBA NY TOETRY NY ANDRO ETO  MADAGASIKARA

FILAZANA MANOKANA MOMBA NY TOETRY NY ANDRO ETO  MADAGASIKARA Tangoron-drahona ao Avaratr’i  Antsiranana Novokarina ny : 27 Aprily 2024 tamin’ny 03 ora tolakandro Firafitra Ankapoben’ny toetry ny Andro Misy tangoron-drahona mitoetra ao Avaratr’i Madagasikara, manodidina ny Nosy Seychelles. Tamin’ny 01 Ora atoandro teo dia tany amin’ny manodidina ny 719 Km Avaratra Atsinanan’i Antsiranana no nisy ny foibeny. Raha ny antotan-kevitra voaray dia hita fa tomombana amin’ny ankapobeny ny tontolo hivoarany na dia tsy dia hita taratra loatra aza ny tsiokan’ny talio. Raha ny mari-drefy voaray ny maraina teo dia manodidina ny 40 Km/ora ny rivotra miaraka aminy, mety harahina tafiotra 50 Km/ora ao anaty oram-baratra.   Fironana ato anatin’ny dimy andro manaraka Tombanana hikisaka miandalana mianatsimo na Atsimo-Andrefana ity tangoron-drahona ity ato anatin’ny 2 na 3 andro manaraka ary mety hitombo hery tsikelikely ho lasa andro ratsy. Mbola manjavozavo kosa ny mety ho fivoarany lavitr’ezaka raha ho lasa rivodoza na tsia, na hikasika an’i Madagasikara mivantana na tsia. Na izany aza dia arahi-maso akaiky ny mety hisehoan’io tranga faharoa io. Noho izany dia tombanana hikorontana ny toetry ny andro any amin’ny tapany Avaratry ny Nosy manomboka ny Talata 30 Aprily na Alarobia 01 Mai 2024. Ahiana ho betsaka ny rotsak’orana (mihoatra ny 80 mm/24 ora) any DIANA, SOFIA, SAVA, AMBATOSOA ary ANALANJIROFO. Misy araka izany ny fampitandremana manoloana ny mety ho fahabetsahan’ny rotsak’orana amin’ireo faritra ireo. Mila mailo sy mitandrina ihany koa ny mpampiasa ny ranomasina amin’ny morontsiraka Avaratry ny Nosy satria mety hahery izany rehefa ao anaty orana. Entanina ny tsirairay mba hanaraka ny vaovaon’ny toetry ny andro sy ny toro-marika omen’ny manam-pahefana isan-tokony. Ny foibe famanatarana ny toetry ny andro dia manara-maso akaiky ny fivoaran’ity tranga ity. Filazam-baovao manaraka: Rahampitso Alahady 28 Aprily 2024.